प्रस्तावना :

राज्यातील तृतीयपंथी यांच्या कल्याणासाठी व त्यांच्या हक्कांचे संरक्षण करण्याच्या उद्देशाने राज्यस्तरावर व विभागीय स्तरावर राज्यातील तृतीयपंथी हक्काचे संरक्षण व कल्याण मंडळ स्थापन करण्यात आले. तृतीयपंथी / ट्रान्सजेंडर हा समाजातील एक दुर्लक्षित घटक असुन या घटकास समाजाकडून सापत्न व भेदभावाची वागणुक दिली जाते. नेहमीच भेदभाव, सापत्न वागणुकीमुळे समाजातील हा घटक विकास प्रक्रीयेपासुन दुर्लक्षित राहीलेला आहे. त्यामुळे या समाज घटकांचे शासनामार्फत मुलभुत अधिकारांचे संरक्षण करून त्यांना विकासाची समान संधी उपलब्ध करून देणे आवश्यक आहे.

तृतीयपंथी हक्काचे संरक्षण व कल्याण मंडळाची उद्दिष्टे :

• तृतीयपंथीय /ट्रान्सजेंडर यांना कायद्याने निश्चित अशी ओळख/स्थान मिळवुन देणे व त्यासाठी शासनाच्या विविध विभागांकडे पाठपुरावा करणे.
• तृतीयपंथीयांना सामाजिक संरक्षण प्राप्त करून देणे.
• तृतीयपंथीयांना शासनाच्या विविध योजनांचा लाभ मिळवुन देवुन त्यांचा आर्थिक व सांस्कृतिक विकास घडवून आणणे.
• तृतीयपंथीयांच्या विकासासाठी त्यांना संघटीत करणेकरिता प्रयत्न करणे.
• तृतीयपंथीयांना समाजाच्या मुख्य प्रवाहात सामावून घेणे.

वेबसाईट लिंक :

https://transgender.dosje.gov.in